|
| 0係 25/5 尾場既演唱會上,sammi朗讀左佢自己寫俾自己既一封信,內容實在真摰感人...
親愛的Mi: (有點哽咽，清喉嚨)
自長恨歌之後，妳似人間蒸發，但這長達近兩年的蒸發期，空氣中仍罩住不少妳的氣色，有關妳的消息和報導，彷如腐蝕性的液體，氣味腐朽和濃烈，傷害性亦直達百分百之飽和狀態。但我知道，這個悠長假期，妳蒸發了某部份自己，是為了壯茁另一個自己。
我太熟識妳這個人，當妳在一片負面的聲音中，忽然舉棋說要舉行演唱會，我深知你必然經過一番深思熟慮，方會有讓這決定瓜瓜落地。而我更不會斗膽質疑妳的能量，縱使妳已有數年沒有站舞台，我知道心中抱持信念，往往是力大無窮的動力和能量。我看了一連七場的演唱會，妳那爆發出來的力量非一日而來，我想鄭重的告訴，妳這悠長假期，非常值得！台上的妳，像吃了一千粒3A電芯，生猛得像西貢通記的游水龍蝦
(觀眾笑)。我太快樂了，我看到妳笑，我也跟著笑，看著你喪跳，我也跟著喪跳。快樂彷如感冒菌，這個交叉感染，誰也逃不掉。這不是法庭，觀眾澎湃興奮的表現，是最大的證據
(Sammi笑，觀眾歡呼)
Mi，妳沒有令我失望，沒有要為妳撲飛，而弄致面色枯黃的觀眾而失望。回顧個多月前，報紙偷拍戒煙後的妳，滋生出來的麒麟臂和豬腩，恕我直言，從後面看到妳高聳的屁股，妳真的彷如菜市場的現代肥師奶。我知道妳心早已定下一套彷如進入地獄的減肥計劃，聽說妳喜歡從天未亮時便開始跑步，長達兩小時，然後進行數小時磨人的鍛鍊。天啊！我這以為，妳這特訓是為了參加08年北京的奧運。(觀眾笑)
不過，個多月後的妳，妳又極速已變回一條綱條身型，這背後究竟弄濕了多少件汗衫？和流了多少磅汗水呢？Mi，我想告訴妳︰值得！妳流的汗水不是咸的，是甘甜的。如果妳不相信，請妳洗耳恭聽觀眾為妳而真摰尖叫
(觀眾尖叫歡呼) 。
Mi，我太熟識妳了，妳常說人生是一場自己和自己的競技，與人無關，亦與人無尤。戰勝一個懦弱的自己，更勝過擊敗其他的生命。這兩年多，我相信妳曾軟弱無力，看不見亮光，失去了太陽。但你推窗看看今天陽光普照，下了一連數天的暴雨，太陽終為妳而微笑，這不就是人生嗎？更晴更壞的天氣都會過去，但我們心中會長留一塊美麗的境域。
作為一個快將三十五歲的女人，我相信，妳對生命有更大的體會。這兩年是妳人生中，一個不能罷免的起承轉合期，你更懂得感恩，亦更懂得珍惜。
這兩年(Sammi嘆氣) 傳媒為妳所設的特訓，那些負面新聞有時會形成一種強大的能量，我非常感謝傳媒在妳第一場演唱會中之後，大大隻字報導「狀態大勇」這四個字，簡直看得我感動連連，傳播力量之大可想而知。妳看，傳媒有時候對妳也有宅心人厚之時，哈哈！
Mi，妳說今天是妳經過一場的退變而成，像金蟬脫殼般，我知道信仰是一股何其大的力量。妳演唱會演唱《I will follow him》是指主嗎？是上帝嗎？如果是的話，我想告訴妳，我可清晰看到衪給妳重新出發的力量。
Mi，我知道這場演唱會，是妳有史以來，是妳放假以來給自己的第一個的大功課，這一課對於久未站台的妳，絕不輕易，這個功課，我認為，妳做到了！我清楚知道，妳回來了，更重要的是，妳的勇氣，回來了...
(哽咽，哭)
(觀眾大力歡呼)
多謝你地，呢封信可能有少少冗長，但係每一句都係我自己好真實既心聲…
呢份勇氣係好多人俾我，包括我既家人，包括你地，包括我自己…
我真係好鐘意最後一句︰ (哽咽)
這個功課，我認為，妳做到了…
我清楚知道，妳回來了，更重要的是，妳的勇氣，回來了...(哭)
...(哭著唱《終身美麗》) | | |
| 已經去到尾2一場...
開始唔捨得...
好多謝每一位黎睇show既好友,有妳地一齊見證住我夢境成真既一刻,令我覺得好幸福, 好感動!
可惜時間過得太快...我都未來得及享受...
只係依稀記得,一聽到mi把聲, 身體入面每個細胞都會開始蠢動...
"唯獨"除假髮既一幕, 每晚都忍唔住要尖叫, 實在好x型!
成日聽唔清楚d好搞笑既script...唉...蝕呀!
又肓又抖唔到氣既"開心medley" 其實真係好難挨...只有每次係台底standby出場前既一句"good show"撐住我!
都未試過肓左咁樣on point...好驚險, 好狼狽, 好樣衰...好在有mi好溫柔既"交換溫柔"頂住~
提起交換溫柔, 21號rehearsal時既驚險場面,猶有餘悸...望住條梯開始傾斜,成個人呆哂,mi好似靈猴咁掛係架上面...離地十幾尺, 真係心都離埋...好彩佢反應快!
好想聽清楚佢每晚唱赤子同紅綠燈之前果段真心話,聽聞好感人架...可惜冇機會聽...因為同make up&hair搏鬥緊...ready for power medley,係最甘既power medley!!
每日出哩part之前我都要尖叫, 要推起個人丫嘛!! show mi...過左個側手翻, 個人就會定左唔少...習慣左留前鬥後,好過第一日dressher好多!!!! 唔知道自己跳得好唔好, 只係知道已經盡全力!!為左mi搏到盡!!
去到encore位, 個人直情hyper到震!!顛左咁樣!!仲要見到d觀眾企哂起身...以前睇咁多次sammi concert,邊有咁既場面架??太感動啦!!
d人話mi今次跳得好勁好放,我唔知,因為我睇唔到...嗚嗚...好想睇...
踩台果陣靜雞雞咁同佢影左張相,驚死冇機會咁...嘻嘻...好緊張,佢攬得我好實,塊面貼到好埋...想暈...開心死左!!我仲要同佢講左幾句野,雖然我講講下開始語無倫次, 但係都算做"剖白"左丫~~yeah!
 | | |
| 原來關係變好之後, 開工係會咁開心,咁好玩架!!
真係好enjoy跳舞既每一刻, 我知道唔會再搵到其他工作, 可以令自己有咁大既滿足感!!
所以好多謝你既成全, 但係同時又好嬲自己既自私同埋任性...
我會長大, 我會識諗架! 相信我, 俾d時間我丫~
雖然我唔可以再promise其他既野, 但係我會盡我所能去彌補, 去做我可以做既野...
| | |
| 17 april 2007
一路以黎, 都好難可以想像到夢境成真既哩一刻, 我究竟會有咩感覺...我只可以形容...成件事實在太令人感動...
其實我覺得自己真係要感謝主對我既眷顧, 無可否認, 自己實在太幸運...幸運到開始有d擔心成世人既幸運會唔會已經爆quota呢?
一路望住SAMMI學STEP既背影, 腦入面不停咁flash back...機場, function,頒獎禮, 片場, studio...不分晝夜既守候...為既可能只係一句對話, 一個眼神, 又或者奢侈d, 一個微笑...真係傻得好得人驚!! 但係同時又為哩份天真既真心, 有多少感動...
到左依家, 我仍然會因為佢既一句說 話,一個眼神而俾人話我"精神分裂", 哈哈...都仲係果個傻傻地既fans...一個會因為佢既一句"byebye"+"拍拍背脊"而顛顛喪喪既細路女...唉...冇長大過...
心情開心得黎,又有d複雜...究竟佢認唔認得我?
| | |
|
